الرئيسية
أقسام المكتبة
المؤلفين
القرآن
البحث 📚
الجْدَيْعي:
من أهل وهطان وخضيرا.
منهم عبد الله بن علي بن محمد الجديعي شاعر عامي مكثر، لا يزال يعيش في خضيرا، حتى تاريخه - 1427 هـ.
وكان رئيس هيئة الأمر بالمعروف والنهي عن المنكر في خضيرا، ثم انتقل إلى بريدة مفتشًا في فرع رئاسة الهيئات في القصيم.
ولعبد الله العلي بن محمد الجديعي شعر كثير فيه مخاطبة الطيور والحيوان بل والجماد، وذلك شعر عامي له أنصاره الذين نظموا فيه، وناجوا طيرًا أو حيوانًا وبنوا على ذلك قصة أو حتى محاورة ما بينهم وبينه.
ويتجلى ذلك كثيرًا في شعر (الجديعي) هذا وفي شعر محمد بن سليمان الفوزان وسلامة بن عبد الله الخضير، وعبد العزيز بن محمد الهاشل.
وهو فن جدير بالملاحظة، بل والتشجيع لأنه قليل حتى في الشعر الفصيح وسننقل من أشعار المذكور نماذج لذلك.
وشعر عبد الله بن علي الجديعي لو جمع لألف مجلدات، فهو كالشعراء الذين ذكر الأدباء القدماء عن بعضهم أن شعره يبلغ ألف ورقة، فشعر الجديعي أكثر من ألف ورقة.
وقد جدد في شعره في أمور سأذكرها مع أنه يكفي ملاحظة ذلك من نصوص شعره الذي سأنقله هنا.
وهو جدير كصديقه الشاعر عبد العزيز بن محمد بن هاشل بأن يجمع ديوانه، وتشرح غرائب الكلمات فيه، ليكون أنموذجًا على عصره لغة وبيئة ووسائل حياة.
أما مجرد جمع قصائده بدون شرح أو تحقيق وتسمية ذلك بديوان فإنه
جيد من حيث حفظ شعره عن الضياع، ولكنه لا يحقق الغاية من دراسة شعره، وما فيه من الألفاظ الغريبة، والعبارات والجمل المجازية التي لا يفهمها إلَّا من يفهم معاني كلام العامة ومناحي حديثها.
ومن شعر عبد الله بن علي الجديعي الذي خاطب فيه الحيوان قوله في العصفور:
هميت أبي أبذر شتلة بالمشاريق
…
أبي اتذري عن هبوب الشمال
بذرت بأولها، وتالي تلاحيق
…
وإلى هاكالعصفور يصوصي قبالي
اشغل شغل زين وخل الخنابيق
…
وكبرِّ الكلَّه، وحط الدِّمال
خله على المطلوب ويطعِّم الريق
…
كثر حياضه واضبطه بالظلال
قال:
حتى تشوف الخير لي جا المصاديق
…
تشوف خير الله وجمع الريال
قلت:
انت وش جابك من بد المخاليق
…
كنك حريص وتنتخي بالتوالي
قال:
أنا صديقك كان تبغي المصاديق
…
أنا قصيرك من قديم وتالي
قلت:
أجل ما نحط الشبك فوق المطاريق
…
ولا نخيل فوق روس الكلالي
قال:
ما هوب لازم لا يجي صدرك الضيق
…
لا تكترب بالحيل يا ابن الحلال
قمت وبذرت اللى انا أقواه واطيق
…
صديت عَنَهْ مقدار سبع ليالي
وإلى نباته يجلي الهم والضيق
…
نبته جميع ما بقي له توالي
مريت لي يوم على فكة الريق
…
اخطط المديان واحط الدمال
وإلا متقفياته امهات المخاريق
…
والاه على ما قال ماله توالي
قلت:
أوقفن وش حدكن يا الزناديق
…
ما به ولا عود أقول هذا بقى لي
هماي انا واياك اخوان مصاديق
…
وين الصداقة وين ذاك المقال
وش لون يا العكروت يا أبا المنافيق
…
هذا أول الرفقة وش لون التوالي
قال:
أنت ما تدري ولا حدك الضيق
…
ما جاك من الجوع الحُمر ما جرى لي
ذا لي ثلاث أيام وانا الصبح ماأليق
…
اركض بها الدنيا على راس مالي
تحسبن لك رفيق ياها الخيق
…
أنا عدوك من قديم وتالي
واحدكم إلى أصبح على فكة الريق
…
جلس على الوجار عند الدلال
همن بدا يشرب وياكل ما لا يطيق
…
حزم على بطنه بليا مكالِ
وجاب له خبز وقدم له ابريق
…
وإلى صار الضحي جاب الهوايل توالي
وله صحن تمر وزبد ومطابيق
…
لبَّق على الأول ولحِّق كمال
وإلا فالعشا قرصان والا مصافيق
…
عليه طوله من كتوف الجمالِ
وانا لْيَا اصبحت قيقٍ على قيق
…
اصفق بروحي من جنوب لشمالِ
أطير من بيتي أدور المرازيق
…
بيتي من المرزق فويضي وخالي
قلبي إلى جا الليل يخفق تخافيق
…
همي من المرزق وهم العيال
قلت:
انا اقصد الشتلة واحيي التلاحيق
…
قصدي اطالبك باكلك حلالي
هيا معي للشرع خل الخنابيق
…
حكيك خرابيط ولاله مجال
قال:
الشرع ما به عيب والصدر ما يضيق
…
مير انا لا تبلان ما أني لحالي
حنا كثيرين جنود ومخاليق
…
لي طالبت واحد من يطالب التوالي
قلت:
أنا ما أعرف غيرك رابضٍ بالمشاريق
…
تلعب علي ومشتلي لك مفالي
والله لأخرم خشمك خرمة بالمخاريق
…
لما تجي للشرع طوع قبالي
قال:
الصبح وعدك الشيخ والله فلا أليق
…
الا عليك صكوك مابه مدالي
مشيت أنا واياه نبغي التحقيق
…
للمحكمة وأثره على طول عالي
تقدمن للشيخ عيونه بحاليق
…
وقال: انتبه يا شيخ، واسمع مقالي
حنا طيور رزقنا والمخاليق
…
صابه كريم ما يخاف الكمال
هذا الشحيح يلاحق المال تلحيق
…
نكد عليَّ وغربلن وانتحى لي
بزعمه يقول انك تجي للمعاريق
…
اذلف، توسَّع للخلا والخوالي
يبي يقلع مداي حوالي صعافيق
…
يبي يحمى عني جميع المفالي
قلت:
أنا يا شيخ حَدَّن على الضيق
…
هجم عليَّ ورحلن عن حلالي
جتنا عصافير غلول مشافيق
…
فروقهن إلى اقفن سواة الخيال
حتى (طماطي) ما بقي به تلاحيق
…
راح اوله وان كان باقي توالي
الشيخ قام وقال: لازم مواثيق
…
نشوف من هو اللى عن الحق مال
رحت من عنده، يا الله ابلع الريق
…
قام العرق ينسف من شي جرى
أخذت لي مدة وانا أركض ولا أليق
…
ادور من الاجواد غدود رجال
من جيت يمه قال: خل الخنابيق
…
العصفور شريك لك على كل حال
جتنا علومك حكيك اليوم ما يليق
…
رفيقك حجيج ما يمل الجدال
نبي نعطيه صك لما تفيق
…
إلى طلع عليك الصك بان الخمال
اسمع قران الصك ما هي تلافيق
…
حكم صدر ماله رجوع وتوالي
عصفور حقه واجب بلا تفاريق
…
يرعى على كيفه بليا جدال
شورى عليك أخلص بليا تلاحيق
…
حطوا عن العصفور زيادة خيال
وحطوا على الكله هدوم وخشاريق
…
وقطع النزاع ولا كثير الجدال
قال:
ايه انا ما اطيع باقي تلاحيق
…
الصك ما يكفين أبي له نكال
اخاف انا يرمين خطو المطافيق
…
ما أخلص إلا ان كان حطوا كفال
وقال عبد الله بن علي الجديعي في الفارة:
لي حجرة مبناه عجب التفاصيل
…
قياسها مربوعة مستديره
بابَهْ عجيب الصنع ماله تماثيل
…
يعجبك فتحه وانت عَجْل تديره
أول فتوح الخير جانا مناديل
…
هدية من واحدٍ فيه خيره
ارزاقها مختلفةٍ بالتشاكيل
…
مع كل نوع جايبين لي ذخيره
ساعة فتحت الباب عند المداخيل
…
لقيت من الفيران وجيهٍ غبيره
مفْلِّيات يلعبن بالمحاصيل
…
حنوكهن بالحب تسمع صريره
قمت أتتنح كود يبقي دعابيل
…
وأنا زملت وقلت: هذي سعره
قلت:
اصبرن وش لون هذي المداخيل
…
عيب على أن الجار يوذي قصيره
الفصفص قشيراته سنواة الغراميل
…
واشوف شرط أبني ما بقي به ذخيره
قالت امهن هذي بناتي مغاليل
…
سفيِّهات مايعرفن معيره
نصحتهن بأول زمان المداخيل
…
قلت: احسنن بالجار حسن الجيره
قلت:
الطهبله ماتنفعن والدعابيل
…
ولا أنيب بزر لعبته في مصيره
والله لاشري لك درازن محابيل
…
واصيدكن صيد الغنم بالحظيره
وأحط قشي له بداخل براميل
…
وافتك منك وبلشتك يا الغضيره
وإلا نخيت القسط راعي المحاييل
…
يقطع جرانك بالسنون الشطيره
قالت: أنا أم الحوف خل الطهابيل
…
لياك تسبن استحي أو بريره
أن غزيت بالقط جينا علي خيل
…
ونرحلك عن ديرتك بالف ديره
حنا بنات الفار جيل بعد جيل
…
كم واحد من شرنا راح نيره
أشوفك تصلح فوق بابك مقافيل
…
تبي تصله عن وأنا بصيره
والله لاحطه لك دروب ومداخيل
…
لما تغدي كلها دروب كثيره
وان كان عندك فول شفت الغرابيل
…
والله لأخلي كل قشك شريره
قلت:
انا اللي عندي افكار أسوي حلاحيل
…
وعندي من الدويات أشيًا (1) كثيره
اشري لك الصَرْصخ وزرنيخ وفنيل
…
من ذاقهن من عيالك يقطع مصيره (2)
واعبِّي البارود واقعد على حيل
…
وانخى عيالي يرصدون الحجيره
قالت:
عيالك والبارود وأقعد علي حيل
…
والله ما اصخنت اذني وأنا اسمي فويره
أنا إلى نمتوا وصار آخر الليل
…
نبيت على عيالي سواة المغيره
اجمع على جحرك سواة الحناشيل
…
وجميع ما حطيت فيها نديره
تسمع حنوك الفار مثل طحنك الهيل
…
إلى تقابل فوق بعض الجميره
وش عوَّدك حرس الحجر والدعابيل
…
تبي تكافح الفيران باقوي ذخيره
قال:
حتى النبي حذر عن النار بالحيل
…
اطف السراج وخل عينك بصيره
حنا الفواسق مانبي زود تذليل
…
والخلق عنا كلها مستذيره
مير انت تمشي ضايع الفكر بهليل
…
تعلق الفصفص تجيبه شطيره
هيا معي للشرع سمح المداخيل
…
يصدر بنا حكم ويقطع مديره
قلت:
الشكوى لله ما نبي زود تمليل
…
نمشي معك والله علم بالسريره
حضرنا عند الشيخ عقب الغرابيل
…
عقب النزاع وعقب دعوي كبيره
قلت:
اسمع هداك الله يا شيخ ما قيل
…
ذي فارة سوت علينا نكيره
سويت لي جحرة وحطيت برميل
…
وحطيت بالبرميل بعض الخضيره
صكيت بابه رحت باقي لي شغيل
…
يوم اني جيت الدار والي جهيره
لقيت بالحجره عوانس مغاليل
…
فوق القشيش وحايسات مريره
(1) الدويات: جمع دواء.
(2)
الصرصخ: دواء يقتل الزواحف وهو سام، والزرنيخ كالسم، يداوي به الجرب، والفنيل: كالفليت: دواء للحضرات، والمخلوقات الصغيرة.
والى بنات الريح حطن دحاميل
…
وسط المتاع وصار شغّلي خسيره
ذي حجتي يا شيخ وأنا ما أقدر أطيل
…
واعرف تراي منجاح وابغي الجبيره
تنحنحت ام الفار مقطوعة الحيل
…
ودنت عند الشيخ كنَّه اميره
وقالت:
هذي علوم ما بهاقول وان قبل
…
من خلقة الدنيا وأناله خشيره
حنا خراب البيت مابه تفاصيل
…
لي صار وصط الليل تسمع صفيره
وانت انتبه يا شيخ خل الدعابيل
…
احكم وانا وراك باتلي المغيره
اطلع بنا صكٍ وحل المشاكيل
…
خل الطويلة نقطعه بالقصيره
خلصت من قولي ولا لي بعد قيل
…
كثر الكلام يزودة بالمريره
التفت علي الشيخ قال: اثرك خبيل
…
تبي عن الفيران تسوِّي حجيره
توكل على الخالق ولا تطول القيل
…
واهرب عن الفيران لاقصى الجزيره
وإلا فدلس وابطح الراس بالحيل
…
ويكفي من الحق لو بقي لك عشيره
هذا هو الصك ما علينا مداخيل
…
آخر كمال الشي عند تحريره
خذت عليَّ الصك عقب الغرابيل
…
واصبحت عند الناس فريسة فويره
خذت عليَّ الصك عقب الغرابيل
…
على نبي ماشي بالبصيره
وقال الجديعي هذه الأبيات مع الديك:
أمس الضحي جا لمي الديك مغتاظ
…
وين انت عني جاني اليوم مركاض
يقول:
جاني من الدنيا غرابيل وأمراض .. واظن قلبي راح من ش جرى لي
قلت:
عسى ماهوب منهدم فوقك البيت
…
وإلا ذكر لك عن بني خيك أحد مَيْتْ
وإلَّا فنمت البارحة ما تعشيت
…
هذي المصيبة كان جاك الهبال
قال:
المشكلة ماهيب هينة تراها
…
روح معي تشوف له منتهاها
ماهيب بسيطة كل من جا حشاها
…
هذي علوم صاير له توالي
قلت:
هو هجم على بيتك هجمة كلاب
…
وإلا عليك ديون جالهن طلاب
وإلا دخل بيتك نطول ونهاب
…
علمني يقصَّك يا رفيع المجال
قال:
أنا لي قصة ما هيب هينه صعيبه
…
وأمور دهئني تراها رهيبه
والمسألة يا فلان كلَّه غريبه
…
شف لي طريقه لا تخلين تالي
قلت:
وش اللي جاك، تقعد تصيح؟
…
وهذاك متعافي وجسمك صحيح
اللي يشوفك قال هذا جريح
…
عطنا النتيجة لين نشوف الخمال
قال: النتيجة يا السنافي توازيت
…
من الحلايل خمس غير راعية البيت
راحت حياتي كلها وما تهنيت
…
كان الجدا هالخمس يرثي لحالي
قلت:
هذا كلامك وانت يا النذل شايب
…
وش لون حبك صاير للحبايب
هماك تقول أني كبير وعايب
…
هذاك تداور مع الخمس تالي
قال:
إيه ما تدري ولا حدك الضيق
…
حريمي كثار يجيهن تعاويق
وحده تبيض وهذا يمُّك ما تطيق
…
ثمَّ تغاب الشمس وانا اركض لحالي
قلت:
والله ان كأنه عافاني لا داويك
…
اصبر عليَّ اسبوع همن أوريك
اروح بهن للسوق همن أخليك
…
اشغلتنا واترك كثير الجدال
قال: انتبه لياك تقعد توهق
…
إن بعتهن والله فلا انتب موفق
لا تذبحن يا شيخ تكفى ترقِّق
…
لا تفجعن بصويحبات غوالي
قلت:
أجل نحبسك لين تأخذ اسبوعين
…
حتى تشوف الهول والغبن والبين
وتشوف سواد الوجه والخشم والعين
…
وتذوق حِرَّ معاقبات الليالي
قال: انت يا المقرود لا تطوَّل الهرج
…
اقصر لسانك عَنْ لا تجين بالحلق
أشكي عليك الحال وتقول: ذا بلج
…
وإلا انت تقول: دييك ماله مقال (1)
قلت:
أنت الخبيث اللي كثير جدالك
…
لا بد من حبسك وحطك لحالك
حتى تشوف الغبن ياقف قبالك
…
غربلتنا وأبلشتنا بالجدال
قال:
أنت توحي يالله الصبح شاكيك
…
كان الله مكنِّي لاخرم خشمك دواويك
وش انت كفوه تي تحبسن بطاريك
…
انت قلت: ذا دجاجه ما يعرف المقال
قلت: أخس يا المذهوب اثرك حرامي
…
يوم انك تذن لك قصد ومرام
ودك تصير عند المشايخ محامي
…
مطغيك دربك بالحكي والمقال
قال:
توخر عن شوي لو الله الفعك
…
ماهوب من حظك أن خليتن اكسعك
أنا أن نفعتك ما بفكرك بينفعك
…
وش لون توازيني وتاخذ حلالي؟
قلت انت يا عفن المقالة تهوش
…
لا عاد ثمنك ريال واربع قروش
ولا احد ذكر أن الدجاجه تهوش
…
مير انت فكرك ضايع بالخوالي
قال:
تفٍ على وجهك يا هالخسيس
…
تسبني وتقول انك فليسي
وانا على ما قال مالي جنيس
…
مير انت مقرودٍ وسميت حالي
هيا معي للشرع تري خاطري ضاق
…
اشكي عليك الحال وتقول: بَوَّاق
فكرك ضعيف وحكيك اليوم ما يطاق
…
تصدر بنا حكم بليا جدال
قلت: انقلع ما أناب رايح أماشيك
…
هو انت تحسبن لك دجاجه اباريك
هذي أصد لي شفت زولك وطاريك
…
اطلعت روحي يا كثير الهبال
قال انت ان كان انك تريد السموح
…
وودك بالخلاص والشر يروح
(1) البلج كالبلح في العامية: الكذب.
جب لي عليهن زود كان انت توحي
…
وخذ من يبيحك بالرضا والسهال
صوتِّ لعيالي وقلت: جيبوا رباط
…
اربطوا حلال السحت خلوه يناط
والصبح والمغرب على خمسة اصواط
…
خلوه يشوف الهول هو والنكال
قال انت حساد ولابك مروه
…
اشكي عليك الحال وتقول: وُوِّه
هو الحكم بيدك تحبسن بقوَّه
…
تبي تهينن لين تفرق عيالي
وحنا جلسنا عند حدا المشايخ
…
يوم أني جيت الشيخ ولاي دايخ
جلس على الكرسي ودلسي يذايخ
…
وخربط خرابيط بلايا مجال
قال: انتبه يا شيخ هذا عنيد
…
اشكي عليه الحال وفرَّط من يدي
كل ما قلت انه زان دلى يزيد
…
نكد عليَّ وغربلن وانتحى لي
والمشكله طاريه يجذب حريمي
…
مرده علي يقول انك لئيم
يبي يخليني لحالي يتيم
…
كله حَسَدْ يا شيخ ماهو عدال
التفت على الشيخ يقول: يا فلان وراك على الريِّسِّ توريه حقران
تأخذ حريمه منه وتخليه وحدان
…
يقعد عَزَبْ ترى هذا الخمالِ
قلت:
أخذ منهن خمس وابقي وحيده
…
كل أكثر المخلوق يقني فريده
وش حيث الديك يعطي بديده
…
وش نفلته من بد كل الحلال
الشيخ نزرني قال: أثرك عنيد
…
احسبك ذهين ولك راي سديد
وأثرك على ما يقال دايم عنيد
…
نشوف طريقه لين تمشي عدال
زهم على الشرطة هاتوا جنود
…
روحوا بها المسكين للحبس مشدود
خونوا عليه انه على الديك ما يعود
…
خلوه بالخفر يشوف النكال
رجعت لم الديك حبيت راسه
…
وجيته بالمعروف يا أبا الفراسه
إدمح لي هالمره وأعطيك الرياسه
…
وانا تراي اخطيت مالي مجال
صلاة ربي عد ما كاين كان
…
على محمد صاحب الخير والشان
وآله وصحبه ما تحرك وما بان
…
هذا اللي انا حصلت وهذا التوالي
وقال الجديعي أيضًا في القويعة:
القويعه صبت صويت مسيان
…
تقول زاد الهم والليل جاني
من جيت لمه صك بابه وخلان
…
واهل الفلايح بطَّلوا السواني
وان رحت للبر جاني الجرّ شقران (1)
…
ضاقت عليَّ الواسعة والمباني
مرت علي تقول: تكفى يا أبو فلان
…
شف لي طريقه كان تبغى الحساني
حط لي زريع يجلي الهم وأحزان
…
نسوي بنا معروف والوقت فاني
قلت: اعقبي يا الماكره ما بك حْسان
…
ما عندك الفلاح غير الهوان
إلى نزلتي بأرض تصير قيعان
…
انت خراب العيش باول زمان
هذاك تقومين السحر وقت الأدَّان
…
قبل يبين الصبح وانت طيران
حرثت المزرع وهو ما بعد بان
…
تدورين الحب بأخفى مكان
قالت:
من ردي حظي يا جماعه ونقصان
…
أشكي عليه الحال وهو يعصاني
أنا فقيره لاتردن لحقران
…
شف لي طريقه يا السنافي تراني
ما جيت لمك غير حادْن زوْيَّان
…
تراكم عليَّ البين همّ طواني
انا مسيكينة ولا صار لي أعوان
…
الدمع من عيني على الخد بان
داري شجيره وانت نازلٍ نصيوان
…
عندك بيوت عاليات المباني
خف بي من الله وابذر الزرع عجلان
…
لا تصير حسَّاد بليا حساني
وأنا تراي أرصد الزرع من شان
…
انظر عن البعيد وانتم إلا داني
ودي أقاصركم على خير وحسان
…
حتى تشوفون الطرب والليان
قلت:
انا قبل خايف منك زملان
…
واليوم تقل عندك من القول ثاني
قالت:
أنا واياك نصير جيران
…
نبي نترافق لين تالي الزمان
(1) الصقر.
قلت: أبشري بالرزق والخير طوفان
…
نبي نحط زروع ما لهن أداني
إلى خبرتك ما تجينه إلى بان
…
نبذر رفاع الأرض هي والطَّمان
هاتوا البذر من دون كيل وميزان
…
وخلوا المكاين يزعجن السواني
بذرنا لنا زرع وللزرع مديان
…
وحطينا حياض واسعاتٍ حسان
طلع على المطلوب ما فيه نقصان
…
ما ناقصه حاجه يبي شي ثاني
يوم اني دريت مرة جان من جان
…
قال: انتبه تراك ضايع المعاني
ساعة ما شفت الزرع وانا اطيح ندمان
…
لعبت علي القويعه بسْهَلان
رحت وشكيت وجيتّ له جنود شجعان
…
لقيتها ترعى بكل التهاني
رحنا بها للمحكمة كره واحزان
…
جلسنا عند الشيخ نبغي المعاني
هي ما تمزمز ولا انا صرت مشتان
…
كيف القوبعه تصير اقوى جنان
قلت استمع يا شيخ انا جيت من شا
…
نها القوبعة سوَّتْ علينا روْجان
انا بذرت زريع والزرع له شان
…
خسارته ما تنحكي باللسان
بوم أني جيت الزرع والى الزرع عدمان
…
وألى هذي ام عريف ترعى وزاني
قلت:
من اللي اكل زرعي وخلاه قيعان
…
وانت تقولين: ارصده لا يهان
قالت: ما أناب اصغر عيالك علشان
…
تبيني انطر الطير لي جاه عاني
اللي اكل زرعك عصافير قطعان
…
الفرق إلى اقبل يروج روجان
واليوم انا يا شيخ تراي خسران
…
لعبت على القويعه بدوران
قال:
وراك يا أم عريف توذين الاخوان
…
قعدت على زرعه بليا معاني
قالت:
يا شيخ ما جيته على غير برهان
…
ولا عمر فلاح من قبله شكاني
عندي عليه شهود يا شيخ وبرهان
…
انه مواجرني على علم ثاني
والقنبزه يا شيخ ما تنفع انسان
…
كأن هو ذهين فيطلعون الذهان
عندي عليه صكوك والزرع ما بان
…
انه مواجرني عليه بنطران
التفت على الشيخ يقول: يا فلان
…
وش لون علمك صايرْ قِلَّباني
وش لون تواجر القوبعه وقت الأزمان
…
واليوم تقول: شغل القوبعه ما هجاني
قلت: أنتبه يا شيخ لا تصير غضبان
…
لا تصدق القويعه بكل المعاني
شف (النقابي) بفعلها صار منهان
…
كلت زريعه لين اصبح مداني (1)
وش لون يروح الزرع واصير خَوَّان
…
والقوبعة تلعب علي في مكاني؟
فكن منه لو الله اجيب سيلان
…
شوزن إلى ثارت تروغ روغان (2)
واقلع مداها عن محلي بودران
…
ماله معي شركه بزرعي تراني
قالت:
المشكلة يا شيخ طحنا بْوَرطان
…
قام يتهدد بالخطر والعفان
كأنه يريد الحرب يا شيخ واحزان
…
خله يتبين عن حدود المباني
حتى يشوف الحرب لي جوه شجعان
…
نريه ضرب مصقلات اليماني
التفت على الشيخ قال: انت غلطان
…
القوبعة هذي لها الحق بان
اصلك ردي فكر ولا عندك خسان
…
اذلف وخل القوبعه بالتهاني
تصدر عليك الصك وتشوف حقران
…
والقوبعه ترعي بقاصي وداني
وقال عبد الله بن علي الجديعي أيضًا في العصفور والجرذي:
زرعي تخاشر به من الجند عدوان
…
مختلفة من بين جرذي وفاره
نطحني الجرذي والي تقل مشتان
…
قلت: وش بلاكم؟ قال: بصدري حراره
قلت: الخبر؟ قال: الخبر شين يا فلان
…
الزرع لا تسقيه يقلب خضاره
لي طال ما يصلح غدا تقل عودان
…
يبلشنا بشيله ويعترض بالجحاره
قلت: انت الحرامي واقفٍ تقل ديَّان
…
تبي تحصد الزرع قبل غماره
والعلم الا قشر جاني الطير فزعان
…
يقول ترى الجوذي يغبَّي بْداره
قلت:
(1) النقابي: صديقة الشاعر عبد العزيز الهاشل الملقب (النقابي).
(2)
سيلان: أم سيلان: نوع من البنادق الحديثة. ممم في المصور في الصفحة السابقة وهو خطأ ممم
هو لك معي شرك تشكي علشان
…
نشوف مشكلنا او تجيبه شطاره؟
قال: أيه ما تشوفن اركض وتعبان
…
من يوم تحط الزرع أصلَّح عماره
يوم اني جبت الزرع والى الزرع مليان
…
هالنملة التي غطته في سماره
قلت: أصبرن هو زرعنا صار ميدان
…
من ضاق صدره جا يقدِّم بثاره
قالت: تحسين مثل من نام كسلان
…
اللى يتكاسل ما يجمِّع ثجاره
قلت أصبري ما أنيب صابر لما جان
…
ومدتي راحت وانا في خساره
صوت لي الجرذي يقول: أنت غلطان
…
ني ناخذ الصافي ونبقى الخشاره
صابك حرور يوم شفت السّبل زان
…
تبي تهاوشنا تجيبه شطاره
قلت:
من بدهم انت يا الحرامي تَبلَّانْ
…
حيث ان زرعي صايرٍ لك خَباره
قال: انت ما تَمَيِّز ولا فيك فرقان
…
ولا تعطي الجيران غاية وقاره
مير انقلع لا تصير بالخلق قرَّان
…
يوم شفتنا نشبع يصيبك حراره
قلت: انت يالعصفور وش فيك زعلان
…
قرِّب تكلم كان عندك نعاره
قال: انت ملقوفٍ ولا تحسن الشان
…
فحج على زرعك وجوِّد صراره
الرزق عند اللي على الخلق منان
…
هو اللي يرزقنا بليا كداره
قلت:
عطني يمين الشرع ما تجيه لي بان
…
انتم خراب العيش انتم دماره
أخاف تبعدني وبعدين خوَّان
…
وتصير من بعد الصداقة مراره
قال:
والله يمين القطع ما أجيه، وان كان
…
تبي كفيل يكفلن بالخساره
حطيت كفيل يكفل النقص وارهان
…
ولا تدور اللجات هي والقشاره
انكس لبيتك لا تجي وانت شفقان .. وأبا ارصده وان كان تدفع أجاره.
قلت:
أنت والجرذي متى صرتوا إخوان؟
…
الكل منكم ما يَعَرفْ الطهاره
الجرذي خبيث ما يوافق وحيوان
…
ما يومن بالمكر راعي حباره
اخاف توهِّقْني وبعدين تنسان
…
يروح زرعي بين جرذي وفاره.
مع اليمامة، وهي نوع من الحمام البري:
يمامة تنعي بعرض الدريشه
…
تجر صوت يفجع اللي حزين
ومن العنا قامت تمزر بريشه
…
والبحله اللي ما يعرف الرطين
لي جيت اباسئلها والي مستهيشه
…
عجزت اميز قولها والحنين
قلت: اصبري يا ام العيون الرميشه
…
كثر البكا ما يذري وش تبين
قالت ثكيلي وابصلح عشيشه
…
ولا أدري يا المحبوب وش يعتريني (1)
عيالي صغار لا فزتهم بهيشه
…
واخاف صدفات الليالي تجيني
هاللي تشوف الحال كني وليشه
…
لما تروح أيام همن تبين
عيالي يتامى والليالي وحيشه
…
علي وليف راح ذا له سنين
قلت:
النوح هذا يزودك بالربيشه
…
والصبر يالقرمه هو اللي يعين
قبلك انا قلبي غدا كالجريشه
…
متكسر من فقد مضنون عيني
الموت فجعني يوم جان بجيشه
…
وشال الحبيبه وصرت عقبَهْ حزين
لكن اصبري يم العيون الدهيشه
…
والله هو اللي يرحم المذنبين
زوجك مسافر يم فيفا وبيشه
…
يمكن يجي يا قدوة الغانمين
رايح يدور لك زيادة معيشه
…
وان مات تلقين العوض له قمين
قالت:
الحب ما خالط قليبك نشيشه
…
خلن انوح وتزعج الدمع عيني
قال عبد الله بن علي الجديعي:
هذه أبيات لها قصة كان عندنا جمل وضاع في البر ورحت لعلي أجده،
(1) ثكيلي: تصغير ثكلى بمعني مات زوجها.
ومريت على أهل بيت شعر بدو ووجدت مجمع حريم كثيرات قلت يا بنات ما شفتن لي جمل؟ قالن: ما شفناه، وإذا كلب ينطلق علي، قالت إحداهن: الكلب لا يأكلك، وكنت لابس كنادر من نوع البوت، ولما وصل إليَّ لكمته مع الحنك، وغدا الدم يسيل على الأرض فهرب وصحن جميع: عورت كلبنا، وقالت إحداهن: هذا ولد بدو ليس ولد حضر، وكنت أعرفها وهي لا تعرفني، وكانت عقيم لم تلد فقلت هذه الأبيات:
امس الضحى روحت ادوَّر ذلولي
…
وقت الشتا وناعم البرد يصلان
وأنا أحمد الله يوم لبست النعول
…
عن الحفا والبرد والشوك وقان
يوم انه صار الظهر جيت النزول
…
لقيت بالمنزل حريم وورعان
سلمت عليهم ميرما اوبهولي
…
واضيافتي يوم هدَّوْا الكلب سحمان
قلت:
أنا مضيع يا الربع افزعوا لي
…
قالوا لي انحش لا يتعشاك طوقان
يوم اني شفت الوقع جتني زعولي
…
والكلب ينبح بيننا والوقع شان
ضربته بحد البوت ضربا يهول
…
قلت: امحشي دمه بثوبك بكرهان
يا أم البريم الزين عرض وطول
…
محشي دموع الكلب من فوق الوجان
قامت تصيح وتنتخي بالغلول
…
لو أحسايف كلينا الزين ردعان
يا لابس البرقع ابزعمك تقول
…
إن الشجاعة بين حرب ومطران
ترى الشجاعة كل من له يطول
…
مقسومة من بين حضر وبدوان
كم واحد بالعين ماهو نضول
…
ولا يتبين لين يبرز بميدان
يا بنت يا اللي خاطرك به كمول
…
ما زان في عينك غير سحاب الاردان
والله من رجل افعاله تهول
…
يظهر اليا حمي الغي بين الاقران
الشايب واللي تو عمره كهولي
…
كلٍّ تميز لي التقى وسط فرسان
لا تعذر بين الناس دون الفعول
…
ياللي حليلك بالخلا يتبع الضان
زينك وجرمك ما حصل به انفول
…
وزوجك هثيل عيشته جمع ضبان
ما به شجاعه بس جرم وزول
…
يا الله غنمتي من هل الضين رعيان
ما به مراجل حول بيتك يدول
…
من كبر حظك ما حصل منه ورعان
ياحسرتك يا بنت رجلك هثولي
…
دائم حوالي البيت يرجع بنقصان
قعدتي بحسره وزوجك هبولي
…
وظيفته بالوسم خصاي طليان
من حصل الطايل بفعله يقول
…
والنذل مثله ما نعده ولا كان
قال عبد الله بن علي الجديعي:
هذه أبيات محاورة مع أم سالم وهي طائر بري مغرد يغني وقت الربيع فيطرب ويعجب فقلت:
يا أم سالم وآهنيك بالحماده
…
طول يومك بالطرب مع النشيد
لي ضواك الليل نومك في كتاده
…
ما يهمك لا قريب ولا بعيد
والجديعي ما تهنا في رقاده
…
بس يوم طول ليله بتعديد
يا أم سالم بادليني بالعباده
…
واطلبين اللي تبين من المزيد
هاتي ذنوبك وحطي زياده
…
وتحمل كان باقي لك رصيد
واعطيك اذنوبي من حالك سواده
…
مثل جبال اطويق والعد العديد
قالت:
واعذابي يالجديعي والقراده
…
من ذنوبك دائم هن بالمزيد
انته تحسب يوم اغني بي فساده
…
ما دريت انه اوراد وتحميد
يوم اجر الصوت من قلبي إفاده
…
اطرب السامع وانا قلبي سعيد
الطرب وقت الخضار من السعاده
…
وانت اذنوبك ثقلهن مثل الحديد
مير عندي لك نصيحه والافاده
…
اقصد اللي عنده انفاس العبيد
قدم التوبة تجب الذنب عاده
…
من كريم فاعل ما هو يريد
يا ام سالم بادليني بالركاده
…
ابي حسن الصوت مع حلو القصيد
كل يوم بالطرب انتي استاده
…
تروجعين الصوت باللحن الجديد
قالت:
شيب عيني كان انه احساده
…
غابطن يا شين في كثر تغريدي
صوتي اللي تسمعه ما هو اعناده
…
لي طر لي قمت اروجع بالصعيد
وانت يا المسكين حبك للوساده
…
ما بقليبك للهوى شي يفيد
يا أم سالم سامحيني والافاده
…
كيف طاب ولاني مستفيد
من يصيدك مثل من صاد الجراده
…
صوتك الرنان والباقي زهيد
قالت:
امسك الطاروق وخلن للقراده
…
اثرك المكار والنذل العنيد
هازك الشيطان وصاير لك رفاده
…
تي تزرن يا الجديعي بالوريد
دون روحي والعلم الوكاده
…
وام سالم عنده الراي السديد
قلت: معروفه يا ام سالم بالشراده
…
كم حلال ضاع بأيام الحصيد
انتي اللعوب ولعبك به نكاده
…
ملهية الرعيان بايام الشديد
قالت يا الجديعي واشين البلاده
…
لا تكلف ما والله تصيد
آخذةٍ حذري ولا لي بك عواده
…
والطمع ما ينفعك لوبه مزيد
قلت:
يا حلال السحت ما لي بك اراده
…
اطمنني لا يجي قلبك رعيدي
كل هذا الخوف وانت بك شداده
…
تكتمين الصوت بالبر البعيد
قالت:
الله العالم بما تضمر عباده
…
والطلب راعيه يهتم بالأكيد
وانت يالمغرور ما عندك جلاده
…
وقتك اللي راح ما هولك يعيد
قلت:
اتنازل يا ام سالم ما ابي لك قصاده
…
انتجع البراق والمرعي الجديد
انتي مثل التبن ما يسوي حصاده
…
لا ضواه البرد بايام الجليد
قالت ابرك الأيام واتحالفك السعاده
…
وام سالم ما تبي شوف البليد
من عرفتك وانته في حلقي اكراده
…
فارقن، خل اتهنا في مديدي
قلت:
طالب منك السموحه والوداده
…
والاقي مفتوح من دون تحديدي
نبي راس المال وانخلي الزياده
…
قربي لمي على شان استفيد
قالت جيتني بالدين واحسبه زهاده
…
واثرك المكار ممهون الكتيد
اثرك الصياد ما جيتن عياده
…
توي ادري انك الضد اللديد
من عادة الصياد في كثر الجحاده
…
داسّ البارود من حدر البديد
قلت لقمة الصعلوك ما فيها زياده
…
غربلك مولاك ما بك لي نجيد
بس ريشك والباقي قراده
…
وش ابي بك جعل بومك ما يعيد
قالت:
استمع لصوت لي جبت الاعاده
…
وانتزح عن ماكري واسمع غريدي
وانتبه لي كان تبغى للافاده
…
نزل البارود عن كتفك بعيد
قلت خلي بالك يا ام سالم بالهواده
…
طاب الكيف ما بي لك مزيد
كم عمار صار للمبنا نفاده
…
اطربي بغناك والفال الحميد
صلاة ربي عد رمل بالحماده
…
على النبي الهاشمي أزكى العبيد
وقال عبد الله الجديعي في الثور:
الثور غربلني وبيح كنيني
…
ولاهوب يفهم كان ودي احاكيه
هو غاية المطلوب ثور سمين
…
وهو منوة الجزار يقضب علابيه
كد قلت له ياثور يا هالمهين
…
كم مرة لي جيت زرعي توطيه
بتله تحوم بوسط زرع ثمين
…
شي تمرغ به وشي بترعيه
حطيت لك خبز وقت وطحين
…
تشمه عند خشمك ثم تمشي تخليه
بتله تدلل مثل خطو الجنين
…
يذكر لديد أمه ولاهوب ناسيه
ودي تعدل زين خل الرنين
…
شرب الحليب الزين لياك تطريه
واقصر لسانك لا تجيب الحنين
…
كثر الثغا يا شين دائم تواليه
لي صار تالي الليل صوتك يبين
…
ما غير تعاقب هالثغا وين تدعيه
قال اثرك مسيكين ولا انتب ذهيني
…
اللي يبي حقه تغثه وتوذيه
امي لبنها بالبلاعيم زين
…
والصبر لا تبلان ما نيب قاويه
القت هو والخبز عقب اللبين
…
تراي ما احبه ولانيب باغيه
ولا نيب كايد انعشن لو شنين
…
تكفا ترى المعروف ينكس لراعيه
عمري ثلاث شهور ما هي سنين
…
وشرب اللبن لو قلت مانيب ناسيه
قلت انثبر ماهيب هيف ولين
…
الرباط في يمناك لازم تصاليه
يما شربته يا النذل عند عيني
…
تشرب وانا كبدي تطشطش بتاليه
خلك تشوف الغين يا الثور شين
…
كم مرة حقك يغبا ولا آجيه
احط لك خازوق وحبلا متيني
…
وازويك برباط متين تصاليه
قال:
طلبتك بالمعروف ولا انتب تلين
…
هالحين عندي علم لازم تمشيه
أمي لبنهالي ولا لي قرين
…
واللي يجيك من اللغا لا تخليه
قلت:
انا وياك الشرع يا هالمهين
…
كلِّ على ما قال حقه يكفيه
انا حسبتك طوع منتسب لعين
…
واثرك حلال القوم كلِّ تلاغيه
قال انت ما حسك نقوص تجيني
…
تبي اللبن والثور تكرد علابيه
دام الرضاعة مدته لسنتين
…
وانا ثلاث اشهور تقول بيزيه
شوري عليك اخلص ولا تصير شين
…
ترا الطمع بنكس على راس راعيه
يسدني اليا حصل وجبتين
…
وانته تهنا لا بقى لك تواليه
قلت تخسا ما نعترف لك بشين
…
وسن اللبن لازم نخلعه ونخليه
قال اجل سلف والمغبا يبين
…
باكر وعدك الشيخ واسمك محاكيه
يوم جينا عند الشيخ ربي يعين
…
قلت انتبه يا شيخ خصمي وداعيه
هالثور غربلني وبيح كنيني
…
شرب اللبن والزرع خرب كلاليه
ذاله ثلاث سنين وهو مبتليني
…
يقول لي حقا ولاني مخليه
يقول انا صغير السن ولالي سنين
…
يبي اللبن يا شيخ مانيب قاويه
التفت عليه الشيخ قال انت وين
…
اللي كبير ما يحبه ويطريه
قال انت ما تدري عن اللي يجيني
…
هو عمر ثور عاش من دون تدليه
اما رضعت الحول ما صير شيني
…
حتى علفهم شين مانيب باغيه
الناس يحطون لدبشهم حنيني
…
ومكعبات واردات وترفيه
وأنا عشاي اتبين ولاهوب زين
…
ورباطي ثقيل كل ليلي اصاليه
وامي تحبين دائم هي تبيني
…
وهم الذي شربوا لبنها وانا ابيه
الشيخ حل المسئله بالهوين
…
الصك يطلع ثم تلقا الذي فيه
واشترك الشاعر عبد العزيز الهاشل هو وعبد الله الجديعي الشاعر في زرع في غويمض، فكان الجرذي والمراد به الجمع (الجراذي) وهي ذكور الفار البريَّة تأكل من بذره وتحفر عن أصوله، فقال أبو هاشل يخاطب الجرذي:
هَيَّا تبين كان عندك نغاميش
…
الله عويني و (الجديعي) خشيري
قال: انت هَيِّن لو تكلمت بالريش
…
مير البلا هذاك رجلٍ بصير
وانا ان نحرني انا خاف ما أعيش
…
هَدَّم بيوتي ثم حَوَّس مريري
من العداوة ما عطان العراميش
…
عيا على اخوانه ولو هو الصغير
لو هو عطان العلم من دون تشويش
…
كان اختفي وانحاش عجل المسير
وإن جان بعنف ما نفعني بخاشيش
…
وإن كان هو زعلان خله يطير
والَّا انت مسكين وتوزيت بالهيش
…
لو كان خطو اليوم موسك شطير
وقد أجاز الجديعي هذه القصيدة، فقال:
حسبت يا الجرذي والى الزرع قسمين
…
قسم أكلته انت وقسم مترادي
ما تنقلع لاهل الزروع القويين
…
اللي نواحيهم وساع بعاد
حنا مساكين وعن الدِّين عجزين
…
وانت الذي حديتنا للنكاد
* * * *
قال:
ماجيت زرعك مير اشوفك متحدين
…
انا عزيز النفس مير انت غادي
وش لون شغلك باول الوقت تونين
…
وراك ما تصبر إلى قرب الحصاد؟
حقي عليك انك تعز من تقهوين
…
واتلا ألتلاوي تبادرن بالطراد
وهقك خشيرك قال حنا قويين
…
كان الجدى الجرذي فانا سنادي
اول فتوح الخير وهو متبلين
…
كم مرة لي شافني جان عادي
لي شافني امشي قام بالحلت يرمين
…
وشوا عيالي لين صاروا رماد
كني نطول وسط بيته موافين
…
وألا عدو للجنود البعاد
مير، اجلدوا ولا تصيرون نذلين
…
لا تثورون الحرب من دون بادي
خلوا انترافق نترك الزين والشين
…
ترى ابرك الساعات ساعة الركادي
الزرع واجد والجراذي بهن دين
…
ما يأكلن شي حرام وكاد
قال:
أنا مريض من خشيرك مكوين
…
يوم هو يشب النار وقت البراد
قلت:
تراي اعرفك يا الحرامي لي سنين
…
الهرج لين والفعل لك معادي
كم مرة لي جيت مرعاك يكوين
…
كل الذي من حول بيتك مرادي
ما اقبل كلامك لا تغثن وتوذين
…
وش لون اطيعك وانت بالزرع بادي
مير انقلع عنا ترى لك اسبوعين
…
وإن شفتك حول الزرع جاك الوكادي
قال:
لياك تهددني تراكم مهزوبين
…
اركض وانا وراك كان انت عادي
لعاد دم عيالنا عندكم وين
…
والدم لي جا الحق مهوب غادي
عيالي ستة واخوتي حول ستين
…
نبي القصاص وخل عنك الدوادي
وأنا يدي عابت من اللي معادين
…
شريكك اللي ضارب بالهوادي
دم الجراذي ما يهدَّر بلا شين
…
مسكين يا اللي صار ماله جلادي
وإن كان تريد الحرب حنا مسلحين
…
كم فارس نرميه وقت الطراد
والزرع لي حقي بليا تثامين
…
غصب عليكم بالرضا والنكادي
نزلتوا على بيتي سواة المجانين
…
وذبحتوا عيالي ظلم هذا الفساد
صلاة ربي عد ورق على تين
…
على النبي ما سال بالوسم وادي
هذه الأبيات مرادّ من العنز:
عنز شريته للبن والصخين
…
مقدار حلبتها الضحى قدر صاعين
والحلبة الأخرى تجي طاستين
…
الله يحرسه عن عيون الحسودين
عندي على ذا اشهود بالمكذبين
…
مع العفو لي صاروا الناس سمحين
نخض لبنها بالضحي مرتين
…
والزود لعياله ولوهم كثيرين
وإن جوا ثلاثة انخفف الحلبتين
…
على شان تيسه ودنا ينتعش زين
وإلا بناته عندها جفرتين
…
حيث أنهن سمحات ما يطلبن شين
لا شك تيسسة صار جفر ذهين
…
ينطل من امه لي غفلنا ولاهين
مسكته قلت اسمع يا بوخصوتين
…
وش هالتصرف يوم ترضع بديدين
قال انشد امي هي تعلمك بالزين
…
حيث انها تبخص لحال المصغرين
أنا وخواتي كلنا مرغدين
…
وامي هي اللي ترضعن لين تروين
رجعت يمه قلت يا لعنزوين
…
وراك يا عنز الودر ما تعدلين
التيس وش حيثه يزود بشين
…
حرام عليك أن كان له تي تبرين
قالت اصغير لي لحضته اليني
…
واللي يجيه الزود كله حواقين
أصل خواته قبل ذا سامحين
…
حقوقهن نلقاه لي سار بعدين
أثره تحب التيس يا السامعيني
…
زعلت علي تقول وراك توذين
وراك اتفرق بين اعيالي وبيني
…
وانا وعيالي بالموده على زين
قلت:
انا بلاي الحين ماهوب زين
…
والواجب انك بينهم ما تحيفين
ترى الولد والبنت بالكفتين
…
لولا العدل ما صلحن الموازين
قالت لياك تلومن لي لحظته بعيني
…
حب الولد بالقلب دائم يبارين
اخاف يطول الليل وانسى جنيني
…
همن يجوع ودمعة التي تكوين
والا خواته يرتكن للسنين
…
متعودات ما يجوعن بيومين
هذا العلف عند رووسهن جايبني
…
يسدهن وطبيق لياك تونين
* * * *
قلت المكر والحيف توه يبيني
…
وانا حسبتك يا حلالي تعدلين
قالت:
اسمع كلاما يوم اقوله ثمين
…
انا زعلت وصافي الهرج بعدين
حرام عليك إن كان تشرب لبيني
…
واتلا التلاوي عند تيسي اتخطين
أطووا اسقاكم لوتبون الثميني
…
خلوه توليدي على شان يرضين
قلت الدوا عندي اخذته ابيميني
…
اقطع اجرانه يا حلالي بسكين
اندور لبن واثره التيس المهين
…
واتلاه يوم انك بديتي اتلاغين
قالت لا تفجعن يا قدوة الغانمين
…
حبه بقلبي مخالطٍ للشرايين
خذ العهد مني على كل جين
…
ابدي خواته لين ترضى وتعفين
والتيس يصبر من ورا الوجبتيني
…
كلش ولاحللت ارويسه يبارين
هذا الصحيح وصافي الهرج ليني
…
واللين يهدي لك اصعاب البعارين
قلت:
اللي ظهر من هرجتك وجهتين
…
هذا كلامك مير خايف تخونين
وش اللي نقل تيس عن صخلتين؟
…
وش حيثهن يا احول ما هن مساكين
التيس يقول امي بها اليوم عين
…
منحوتة عني ولا هيب تبغين
من أول لي جيت يمه تبيني
…
تدورن لي ابطيت عنها تنادين
واليوم قلبه صار لمي متين
…
كله اسباب اللي من الناس نغلين
قلت انثبر يا التيس خلك حزين
…
ماسدك اللي فات تبلع بطنين
قال ايه ما نسلم من الحاسدين
…
والوقت ما عمره صفي للمحبين
نبي نعبر وقتناها السنين
…
غصب عليكم يا وجيه المعادين
قلت:
تشوف عقب أيام كأنك سمين
…
أن واعد الشلة على المطرح الزين
هذا جزاك ان كان عندك رنين
…
عقب الدلال اتشوف حوف السكاكين
أبيات مساجلة مع الديك وكثرة، أذانه بالفاضي وهو لا يصلي:
يا الديك لا تذن على غير توقيت
…
لي صار وسط الليل تصفق بجنحان
والياصار بعد الشمس قمت وتعليت
…
من فوق جدار هم قعَّيت الأذان
تذن ولا صليت يوم، ووضيت
…
وشلون شغلك صاير يا دجاجان
قال:
الذاني على الترتيب مازدت واخطيت
…
أوقط النايم الي صار كسلان
مانيب مثلك دائم كود تزنيت
…
اليا سمعت آذان تقول وش جان
انا الي جا الوقت سبحت واديت
…
جميع ما حطه علي رب الأكوان
مناب مثلك لي اذن الفجر ونيت
…
تمكن غطاك وتقول تراه غلطان
قلت:
بلاك ما تتعب ولا لك ملافيت
…
لي جاك وقت الليل ويلاك تعبان
اكبر همومك بالمشاريق والبيت
…
تقضي حياتك وانت فرحان طربان
قال انت يا مسكين وش بك تبليت
…
هذاي اركض كل يومي وبلشان
لي صار اطلوع الشمس للرزق مديت
…
الأحق معاشي دامي الليل ماجان
وإلى ضوان الليل جيت وتغبيت
…
اخاف من الثعلب يصيدن اجويعان
مانيب مثلك دائم الدوم عفريت
…
ترقد إلى حاليل بادناة ماكان
قلت:
هماك كل اللي دائم تصاويت
…
من يوم تغاب الشمس لما يصير فجران
ولا اذكر لي مرة قبل صليت
…
تامر ولا تنهى على غير برهان
واكبر عيوبك باينه لو تخفيت
…
غسل الجنابه ما تعرفه ولا كان
اصلك دجاجه لو كبرت وتربيت
…
اكبر اهمومك راتع حدر سيسان
قال انت مقرود ولا عمرك اوحيت
…
راع المثل يقول تراك وهمان
اضرب لدربك واتركن لو تراديت
…
كلٍّ بها الدنيا تقفاه الاحزان
قال الجديعي: مرة وأنا زارع مع أبوهاشل في بلدة غويمض وكان عندنا جراذي، وفي مرة يوم تغدينا وبقي منا لجم ورز قام أحد الأخوة ووضعه عند بيت الجرذي يقول ابيه يسمن حتى يأكل زرعكم من باب المزاح فقلت:
اشوف جرذيك يابوهاشل تمدن
…
عاف الخضار وصار ياكل مصافيق (1)
حصل معازيب على الكيف
…
والفن كل يوم ثالث جايبين مطابيق (2)
قاموا عليه بقولهم كسود يسمن
…
من شان يرعي زرعنا مع صعافيق
امن معاشه وقام بالزرع يدفن
…
لي شاف زول قال جابوا مراقيق
يالربع لا تبطون كلش يسدن
…
اليا حصل مطزاز عند فكة الريق
ابرك من الهاشل عن الخير صدن
…
من بد الجماعة هو يحدن على الضيق
لي شافن ابي اظهر من البيت ردَّن
…
معه عصاه وحاجرن ما اقدر اويق
قلت انثبر بالنذل ايديك كلن
…
من حصدهن للزرع دائم ولا تليق
وقال عبد الله العلي الجديعي معلقا على قصيدة صديقه الشاعر عبد العزيز الهاشل في الدلة:
الدلة اللي كيف ثارت عليِّه
…
خلتني ما أميز ولا عندي أفكار
جاوبتها لاشك هي قمبزيه
…
انا وربعي كلنا مالنا كار
الله يدافع مانعرف الطرِّيه
…
ما نميِّز الشينه من اللي به بهار
تقول لراعيها ربوعك رديه
…
ما عندهم فرق من الثلج والحار
(1) المصافيق: القرصان المأدومة بالزبد أو الدسم.
(2)
المطابيق: جمع مطبقية، وهي إناء معدني له غطاء يوضع فيه الطعام عند نقله.
لا عندها عز ولا مقدريه
…
لا شيمت ضيف ولا شيمت جار
لي صار ما هنا شيمة او حميه
…
ولا نميِّز الصايب من اللي به العار
تحط لرجلينه مراقي قويه
…
وتسرع تجاوب كان فيه عندها أشعار
* * * *
ذا له ثمان سنين ماله خويه
…
ما غير لحاله كنها بومة الغار
من شاف رزتها يقول: خلويه
…
وطباقته مجموعة تقل بصرار
والقرط منعاج تقول محنية
…
والا ذنب ذيخ عليه الدهر مار
له عروة من التنك بس ليِّه
…
ومصبها لوهو لحمام ما دار
وباقي حديده مجمع من خثيه
…
واكرم السامع من الشين وأقذار
تضيق الدنيا لوهي فضية
…
ونخرب العامر ولو صار ما صار
حلفت انا أيمان ماهي شويه لو أنها ملكي فلا تطبّ لي دار
العاد عريانه وكله ياذيه
…
وباقي عذاريبه جيشات وكثار
لو أن راعيها يبيعه عليِّه
…
حطيتها حدر الكفر حين ما دار
صنعة عليمي ما يعرف القْدِيه
…
ما حافها بالصنع شاطر وبيطار
وقال الجديعي في السرعة في سير السيارات:
يقول اللي شاف الهول
…
شايب راسه قبل الحول
من حوادث السيارات
كل اشوي مرتاعين
…
من لجة ها الجذاعين
اليا سمعوا إسعافات
كل شوي صاح الصيت
…
وينه رايح؟ فلان ميت
وآشين والله موت الفجاة
لا تسرع الي ركبت
…
ما نفعك اليا قلبت
او قالوا فلان مات
لا تسرع مالك فخر
…
ناظر لو يضرب كفر
وش عندك من الحيلات
ما غير تجيك الندامه
…
لي خالفتك السلامه
همن قالوا: سلامات
أو تبقي معوق بالبيت
…
لانتب حي ولا ميت
تقرع سن الندامات
ويش اللي حدك تطير
…
ما انتب عاقل أو بصير
يوم تهلك نفسك بسكات
اردع نفسك لا تطاوعها
…
الفخر للي صانعها
مالك فخر بالصنعات
أنت يقال لك سايق طاره
…
على كنب وبغماره
ولا تفتخر بالسرعات
لي صرت بالخط السريع
…
لي قال اسرع لا تطيع
لا تلحق نفسك شمات
اليا مسكت الطريق
…
ريح نفسك لا تضيق
وادع ربك بالسمات
السرعه كله ندم
…
بما صدم أو عدم
لو سمعت عدة مرَّات
تطلع تدور لك عازه
…
همن يرجع بك جنازه
وانت السبب بالوفاة
لا تأخذ السلامه عاده
…
خذ الحذر وهي زياده
ناظر كثر الوفايات
امسك حبك في مجالك
…
لا تبيِّن للناس هبَالك
تبدي تأكل مطبات
لياك تجيبه شطاره
…
تعمَّد قطع الاشاره
هذا يسمى دشارات
إليا مسك المرور
…
تبدي تلفَّ وتدور
وتجمع لك حيالات
واكبر من ذا لي صدمت
…
والحادث صار سببه انت
وقعت غيرك في بلشات
هذا ان كانك سلمت
…
أو تدهورت وعدمت
صرت بغيبوبه ساعات
لو انه ما به زحام
…
قطع الاشارة حرام
لا تحط نفسك في ورطات
لا تطاوع نفسك وتهاون
…
الواجب منك التعاون
مع الشيمه والمروات
لياك تغامر وتصاقط
…
تحلت الموتر وتنابط
لا تحسب هذي شطرات
السرعه هي والتفحيط
…
لا تحسب انه بسيط
وآخرتها تجي نكبات
رح للمستشفى لك ساعه
…
تشوف الهول والفظاعة
كله حوادث السيارات
أحد كسر واحد فلاق
…
واحد جرحه ما ينطاق
واحد خلطه بالثلاجات
حط أسبابك وتوكَّل
…
واسأل ربك ولا تغفل
وهو اللي عنده النجاة