‌ ‌حنيفه ولطيفة . ح. أنت رحت قلت عدّ! ُولي هو العيش - مجلة الأستاذ

‌

‌حنيفه ولطيفة

. ح. أنت رحت قلت عدّ! ُولي هو العيش والملح مالوش حق. ل. ما نستغناش يا حبيبتي هياَّ العين تعلا على الحاجب يا ست حنيفة بس أنا كنت مشغولة شوية بنبني محلين في الدور التاني بلكي الولد يجوز يبقى يدخل هناك. ح. أنتِ كن01تِ ديك اليوم بتشكي من الفقر وغلبك من الرجل ورايحه تبني وإلا يجوزي مني. ل. عقبال عندك بختي إن شاء الله اشوفك وأنت متهنية زي ما ربنا هناني الأفندي بتاعنا ما تاب عن المخسوف العرقي وطهر هدومه والتفت لعبادته. ازاي بختي ما تلاقي اللي كا بيروح منه كل شهر اتنا عشر جنيه كانوا بيروحوا في طريق الشيطان الرجيم ودلوقت ما احلاه يختي وما احلى قرايته في الفجر حسو يلعلع في القراية تقوليش إلا كروا وياما يقوم بالليل يا ست حنيفة ويعيط ويرمي من كل عين حفان ويقول ضيعت شبابي ومالي في الفارغة أناا كنت مجنون أفوت أولادي عرايا جيعانين واروح احط فلوسي في الخمر ينعل الخمرة واللي علمونا شرب الخمرة وللي بيشربوا الخمرة اتنا عشر جنيه كل شهر ويبقى لي خمسة عشر سنة اشرب الملعونة دي يبقى صرفت الفين وميه وستين جنية لو كنت اشتريت بهم أطيان من أطيان الميري اللي الفدان بعشرة جنيه كنت اشتريت ميتين وستة عشر فدان وسنة يصلحوا ويبقوا بعاديه وإلا كنت اشتريت بهم بيتين تلاتة للأجرة ونت صيغت البنات وجددت البيت إلا زي اللي الوعد غطَّا عليه طاوعت الخنزير جارنا ومشيت وياَّه في قلة القيمة لما صبحني

في آخر الناس قطعت الخمرة واللي يشربوا الخمرة. وقلت له بقي يا سيدي ما بتيتش تشرب الخمرة أبداً فقال أنا اشربها يا أم نبوية مرة تانية أعوذ بالله إن شا الله اللي يشرب الخمرة من الناس اللي دايري في الخمارات ما يشرب إلا السم الهاري شوفي الناس الأمرا والخواجات الواحد منهم يقعد على السفرة يأخذ كأس واحد نبيت ونصه ميه واحنا نروح نشرب زي البهم المحمور اللي يفضل يشرب لما يفرتك جوفه الله يتوب على أخونا وينقذهم من الضلال اللي هما فيه. وقلت له مرَّة اظن يا سيدي لما كنت بتشرب ما كنتش تصلي ولا تتحي فقال لي طيب اسكتي هوَّ السكران يصلي وإلا يهبب لمال تبقى هدومه جسه ويقف يشخ ويطرطش على هدومه ويمكن لما يسكر يمز بلحم الخنزير يبقى اللي زي دا له صلا وإلا عبادة أهو زي الحمار والا الكلب اللي يشخه على روحه. حتى الحمار لما يجي يشخ يفرشح رجليه خايف من الطرطشة والكلب يشيل رجله ودا لا يخاف ولا يسأل.

وقال لي دا يمكن السكران من دول يقعد طول الليل ويقول في كلام كفر ولا يدري باللي بقوله. على ايه أعرفي إن السكران خي المجنون يعرف بيقول أيه يبقى السكران يعرف نفسه والا يعرف يشخ ازاي. وتقولي يا ست حنيفة الراجل وشه نور وراح لك بياضه زي اللبن ودي العينين اللي كانت زي عنين النسناس ازاي ما أدورت وبقت حلوة الدنيا يختي وإلا دي الورد اللي بقى على خدوده تقولي انه رجع اب عشرين سنة. ولما كان بيسكر كان عدوك وشه زي وش القرد ويجيني مبلم زي الطور ما يعرف يتكلم وأفضل أشيل فيه واحط فيه وهو تقولي ميت والا قتيل يا ما شفت يختي وياما ورَّاني ولكن الله يسامحه ويبري دمته من

جهتي وربنا يكفيه شر اولاد الحرام. ح. عقبالي عقبالي اللي عطاك يعطيي يا أم نبوية راحت في ام جرجس تجي تسمع الكلام اللي زي الشهد ده يا عيني عليها اللي مسكها المعلم غطاس ديك الليله وفضل يا عيني يد بها ويرزع فيها لما راح منه حيل وجا حيل وهيا يا عيني زي الرجل الخدلانه لا تهش ولا تنش الا قاعدة تمسح في دموعها وهوَّا نازل لا يستحي ولا ينقرع آه يا ناري يختي لو كنت لحقته وهوَّا بيضرب فيها والنبي والنبي ما كنت إلا ادي لو لما اخليه حواليه كيمان دول رجال بقوهم خالص وصدق اللي قال جيزة صارى ما فراق إلا بالموت تلاقيها يا عيني رايحه تعمى من كتر العياط والراجل ما هو سائل لو كان ربنا يجيب للسكارى داهية ونستريح منهم. ل. ما كنا كتبنا عرض حال لهم جرى فيه أيه. ح. هو أنت ما سمعتيش ما كتبو عليه. ط. يعني بطال والنبي لو كان العرض حال دا انكتب لناس في وشهم دم ما كانوا إلا ضربوا أنفسهم بالجزم إلا ادحنا بننفخ في قربة مقطوعة ربنا يخلي الاستاذ أهو بيعشمنا بأنهم يتوبوا شوفي يا يكون زي وعد الكمون يا ربنا يتوب عليهم وادحنا كتبنا للنديم يكتب لنا عرض حال عن لسان الأولاد يحن قلب ابوهم عليهم وإن ما نفعش نكتب عن لسان الجيرا وبعدين عن لسان الحيطان وبعدين عن لسان السما وبعدي عن لسان الملايكة وإ منفعش دا كله وحياة البي ما احنا إلا مورينهم السير يطلع منين. هما بيخوفونا بالطلاق ولكن رايحين يطقلوا كام ألف مرة وكمان لما يطلقونا مين يأخذ الأندال زي دول بعد ما يفوتوا اللي طول عمرهم يخدموهم وصابرين على غلبهم بكرة تشوفي إن ما كنا نخلي الراجل

دول يمشي على العجين ما يلخبطه ابقي قولي اللي تقوليه. ل. أنا بلغني يا خيه أن أم حنين فرحانة اكمن

جوزها تاب زي جوزي. ح. بارده أنا سمعت أتادرس افندي تاب ومشي في حاله وبطل كل الأمور الكدابة عقبى للباقي نصبح نلاقيهم عقلم وبقوا زي الرجالة. ل. يا صبر الاستاذ ياختي على الكلام السكارى وشتيمتهم وكل ما يبلغو عنهم كلامهم يزيدهم ولا يزعل ولا يحمق ولا كأنهم كلاب بيهبهبوا عليه. والنبي لولا ربنا رزق النسوان بالاستاذ وداير يدور لهم على مصلحة رجالهم ويوريهم طريق التوبة إلا كان الحال يزيد يوم في يوم لما تبقى الخمارات بدل البيوت وتصبح النسوان بلا رجالة. ح. احنا ما نقطعشي العشم برده نفضل ورا الرجالة بالكلام الطيب شوية والردي شوية واهو الاستاذ موش مخلي وراه ورا وخد من التل يختل لما ربنا يصلح حالهم ويفوقوا لنفسهم. ما علهش يا أم نبوية الرجال صيغه وقت ما تعزيها تلاقيها يعاودوا تبقى اشيتهم معدن بس اصبري لما نخلص من العرض حالات وتشوفي بكره الحكومة تعمل لهم رابطة وتحط على مستخدمينها بصاصين احسن ما يخرب عقلهم ولا يعرفوا يكتبوا ولا يعرفوا يحسبوا. هما ما هماش سامعين اللي بيقولوا ما فيش في مصر رجال لما يشوفوهم صفوف صفوف في البير والخمارات. حدش رايح يشوف الناس الامرا والعقلا اللي قاعدين في بيوتهم ما تطلع منهم العيبة ولا عمرهم يقلوا عقلهم ويشربوا العرقي وإلا يقعدوا في السكة زي الناس الهم دول. وياما ناس يا أم نبوية تلاقيهم قاعدين على القهاوي يشموا الهوا ويشوفوا بعض ويسالون بعض عن الأخبار والواحد منهم قاعد يشرب شيشة والا قهوة