‌ ‌مدرسة البنات زاكيه ونفيسة . ز. أنت رحت للمعلمة النهار ده. ن. - مجلة الأستاذ

‌

‌مدرسة البنات

زاكيه ونفيسة

. ز. أنت رحت للمعلمة النهار ده. ن. إنا في المدرسة. ز. لتعلمي ايه في المدرسة يا أختي. ن. أتعلم الكتابة والقراءة والفرنساوي والخياطة والبيانو وعندنا ناس يتعلموا الانكليزي وناس يتعلمون الرقص الفرنجي. ز. طيب الكتابة والقراءة قلنا آهي تنفع تقعدي يوم تقرى في المصف الشريف والا لفي كتاب تعرفي منه أمور دينك والفرنساوي والانكليزي تعملي به ايه هوانت رايحه تجوزي فرنساوي والا انكليزي. ن. لا دلوقت كل أولاد الناس الكبار يتعلموا الفرنساوي والا الانكليزي بلكي الواحده تتجوز واحد من اللي يعرفوا اللغة تبقى تتكلم وياه. ز. هو أختي اللي رايحه تتجوزيه موش ابن عرب والا ابن ترك. ن. ايوه. ز. طيب أتعلمي أنت العربي والا التركي يكلمونا به أهل بلادنا وأما الراجل اللي رايح يفوت لغته ويكلم حريمه بالفرنساوي بالانكليزي وهو ابن عرب والا ابن ترك دا يبقي قليل الذوق هوا عارف أن يا بنات الشرق فرنساويه والا انكليز لما يكلمنا بلغتهم. ن. بقى على كدا أنت ما تعرفيش جرى ايه في الدنيا دلوقت بعض بنات الشام بيتعلموا في المدارس اللغات البرانية وأزواجهم رخرين. ز. طيب دول لبسوا آلاافرنكه وطلعوا في السكة بهدوم البيت زي ستان الإفرنج وإحنا يللي ما نطلع من بيوتنا إلا متغطين ولا نجتمع بالرجاله الغرب ولا نروح تياترووولا باللواحنا وأخواتنا المحجوبين في الشام نتعلم اللغات دي. ن. آهو ضمن التمدن الجديدان الواحدة تتعلم لغة

افرنجية. ز. ذا بقى يختي الرجاله مقصودهم تاني هيا الواحدة منا رايحه تفتح لها دكان والا رايحه تقابل القناصل والا رايحه تقعد ويا الرجاله في المجالس دا كلام فارغ. بدل ما يعلموا الواحدة لغة افرنجية يعلموها لغتها وأمور دينها ويعرفوها تربية الأولاد وترتيب البيت موش يعلومها الكلام الفارغ والأمور اللي ما تنفعشي اذا كانت الواحدة تعرف بالفرنساوي وجوزها ما يعرفشي بقي تروح تدور على واحد يعرف فرنساوي لاجل ما تكلمه احسن تنسي اللغة والنبي ان الناس اليوم منيش عارفه جرى لهم إيه أهم كل ما يشوفوا الغريب يعمل حاجة يعلموا زيها من غير ما يفتكرا فيها إياك بدهلم يبقوا إفرنج خالص ويفضوها سيره. طيب الرجاله بيتعلموا اللغات قلنا انهم معذورين على شان يعاشروا الإفرنج ويعوفوا كلامهم

ويقروا كتبهم ويعرفوا فيها ايه واحنا يا نسوان لا احنا رايحين نخطب في مجلس ولا نكتب جرنال ولا نعمل مترجمين ولا نسافر بلاد برا ولادي ولادي يبقى تعليمنا الفرنساوي وغيره تمرته ايه دي كلها امور تغم. والرقص يختي اللي ينتعلمه رايحه ترقصي في فرح ولا رايحه الباللو وتاخدلك جدع يحط خصرك على فخده ويدور يرقص بك في وسط الجدعان زي ما بيعملوا نسوان الخواجات والا يعني مزيته ايه دا قلة قيمة وقلة حيا. نز طيب أهو ستات الملوك بيعرفوا لغات كتير بقى على كده تعليمهم في غير محله. ز. دول معذورين إكمن بيدخل عليهم نسوان الملوك والقناصل يسلموا عليهم ويعيدوا عليهم ملزومين يتعلموا لغاتهم لاجل يكلموهم من غير ترجمان فدول تعليمهم في محله لانه كمال لهم وأما احنا يلي لالدي ولالدي

نتعلم اللغات دي ليه فضيها بلا هم على القلب. ن. دلوقت تعايبي علي تعليم البيانو دا كمان إيه يا أختي. ن. البيانو آلة طرب تضرب عليها الست من دول بأصابعها وهي قاعدة امامها. ز. أنا سمعت أن الأقدمين قالوا ان الخيل أذا صهلت حنت لها الفرس يعني ان المغاني تحرك العشق فينا يا نسوان والواحدة متى عشقت ما هياس رايحة تعشق جوزها لأنه قدامها كل ساعة واللي في اليد تزهده النفس فرايحه عشق بعيد عنك الشر واحد غيره وتبقى معاره وجرسه وهتيكه. ن. دا كل نسوان الافرنج كده زاحنا بنقلدهم في التمدن. ز. يا اختي ايش جاب لجاب إحنا بشقه ونسوان الإفرنج بشقة دول بيقعدوا النسوان ويا الرجاله حتى الواحد منهم اذا قعد في مجلس والست بتاعته وياه وسكتوا عنها الجدعان ولا كلموهاشي يزعل ويقول عليهم متوحشين واحنا اذا كان واحد عربي ولا تركي والا شركي والا ارنؤطي والا أي واحد من بالدنيا يشوف واحد يكلم مراته يمكن يموته ويموتها والاقدمين قالوا المره زي الحمامه متى ريشت طارت بعني الواحده متى اطلعت لغير جوزها والا طلعت من باب دارها لا بقت مافعه طار الرجال انهلبوا يا اختي وإلا جرى لهم ايه اللي ما حد بيفتكر في إلكلام ده. ن. ودلوقت تعيبي الخياطه والتطريز وثقولي الواحده يمكن تتعب في عمل المحرمه شهر وهي تشتريها جاهزة بقرشينز على أيه تعبها بقى. ز. شوفي ياست نفيسه الخياطة لازمه لنا يانسوان الواحدة عليها تفصل هدومها وهدوم جوزها وأولادها وتخيطهم وإذا تعلمت شغل المنسج والمخيش

تعقد نسلى في شغلها تعمل لزوجها طاقية لطيفه كيس مخدة سجادة صلاه شبشب كيس فلوس وش ستاره كرنيش

للسرير حزام لها قميص نوم ظريف تنتنه للهدوم أويه للمناديل كرديله حلوه غطا سفره غطته قهوة يعني إذا أتعلمت الحاجة دي تعقد طول النهار ست بيتها ان كان عندها خدامين آهي ست بيتها تسلي نفسها وان كانت وحدانية تعمل شغل بيتها ولما تخلص بدل قعدتها في الشباك تشوف الحلو الوحش والأمور الفارغة تعمل لها حاجة زي ما بيعملوا أولامد الناس الطيبين ياما بنات سيغوا نفسهم من غرزتهم ودخلوا للراجل بشيء متلتل وياما نسوان مساعدة رجالتها بغزرتها وشقا عافيتها لما تلاقي جوزها ماشي بين الرجال مستور وأشبته معدن فأنا أقول لك اشطري في الخياطة وأفتحي عينك فأن ما ينفعك إلا غرزتك بأيدك. ن. والنبي ياست زاكية انك وليه طيبة وقلبك عليه وأنا رايحه اقول لأبويه أنا يابا رايحه أتعلم القراءة والخياطة وشغل اليد وأبطل تعليم الفرنساوي والبيانو والرقص الإفرنجي وأقول له على اللي قلتيه لي كل إياك يرجع لو عقله ويقول لي طيب يا بنتي. ز. هيا المدرسة بتاعتكم ما فيهاش فقي يعلم أمور الدين. ن. فيها الشيخ إبراهيم. ز. خليه يعلمك أمور دينك والصلاة والصوم والواحد تنطهر من الحيض أزاي وتتوصنا أزاي وربنا فرض عليها ايه وايه للراجل ويعرفك الحلال والحرام أحسن إحنا يا نسوان ما كانشي عند الواحدة منا دين لا لها ذمة ولا عقل يحوشها عن الأمور البطالة شوفي ستي اللي بزورها الولية اللي يزورها الناس عمر هاش تطله لغير جوزها وإلا تكل من

شباك وإلا تطلع من باب دارها من غير جوزها وإلا تفرط في حاجة من حاجة البيت وإلا تكلم راجل غريب والا تخالف جوزها في حاجة في تطلب منه اللي ما يقدرشي عليه وإلا قالتلو بوم جبت لي ايه وإلا كدا وإلا كدا إلا ماية زي الألف وتلاقي يختي هدومها نضيفه وفرشها نضيف وحاجتها كلها نضيفة وبيتها بيشف وبرف تشربي الميه من على البلاط بتاعها ودا كله من تربيها وتعليمها الدين والواجب عليها وهيا صغار وشوفي أم نظمي اللي طلعت على هوى نفسها أزاي ما خسرت جوزها وضيعت ماهيته في الريح كل ساعة داخله عليها الدلاله دي معاها فواتير حرير ودي فواتير مقصب ودي فواتير شيت ودي فواتير تيل ودي صناديق صابون ودي مناديل وهيا تشتري من هنا وتبعزق من هنا كل ما دخلت عليها واحدة تعطيها بدله وإلا منديل لما صبحت الراجل يا عيني عدم وندم ودا كله من قلة التربية وعدم معرفتها حقوق الراجل لو كانت دي تعرف دينها ويقينها وتعرف أنها رايحة جهنم كانتشي تهمل

العمله اللي زي وشها فضحت نفسها وهتكت عرضها وضيعت شرف أهلها وصبحت بين النسوان ما تسوى بصله الشر ربنا ويارتها أمال طالت عرضها إلا مسكينة الخدامة أحسن منها ويكفينا الشر ربنا بلاها بالبلا لما شرمط جتتها وصبح يبعد عنها العدو والحبيب لو كانت دي فضلت في بيت جوزها وإلا في دار أبوها كانشي نابها الهم دا كله على رأي المثل رأي جت الحزينة تفرح ما لقت مطرح وأقولك أيه واعيدلك أيه ربنا يا بنتي يهديك ويكفيك شر المستخبي