ومليح وثمرة الأديان حفظ النفوس من الفجور والتعدي على الغير - مجلة الأستاذ

ومليح وثمرة الأديان حفظ النفوس من الفجور والتعدي على الغير وحيث الإنسان على السير المستقيم والمحافظة على حقوق أخيه وجاره ووطنيه.

ح. أنا لا أعرف الصلاة ولا الوضوء. ن. في الدرس الثاني تعرفها إن شاء الله تعالى.

‌

‌مدرسة البنات

حفصة وبنتها سلمى

. ح. يا بنتي انت كبرت وبقيت عروسة حقك دلوقت تمسكي شغل البيت ولا تخلي حد يعمل حاجة على شان تتوضبي من دلوقت يا سلمى. البنت أما كانتشي تفتح عينيها وتتعلم كل حاجة تبقى زي قلتها. يا ترى يا بنتي إذا تزوجت في بيت ولك فيه سلايف والَاّ أخت لجوزك والا قرايب وكنت لوحدك لا معاك جاريه ولا خدامة اللي رايح يعمل لك حاجتك مين سلفتك وإلا حماتك ولا أخت جوزك. وخليك اجوزتي في بيت ما فيهشي حد غيرك مين يعمل لك حاجتك إ كنت فاكره في غنى ابوك وخدامينه دا يبقى عقلك بطال افتكري أنت في جوزك اللي رايحة تعاشريه طول العمر بلكي يا بنتي كان فقير ولا كان غني وافتقر تعملي ازاي وقتها يا ترى تقعدوا من غير أكل ولَاّ من غي نوم ولا من غير لبس هدوم ولا تعملوا ازاي. س. هو انت قدمتيني الحاجة وأنا قلت لا موش تقولي لي اعمل ازاي. ح. شوفي يا سلمى يا بنتي أول حاجة تلزم الست منا انها تعرف ترتيب محزنها تحط السمن في حتى نظيفة متغطي طيب وتمسح الماعون من برا كل يوم احسن ما يجي عليه الوسخ وينضح على السمن وترمي عليه فوطة الغطا على شان

ما يجيش عليه دبان ولا حاجة من اللي تبقى في المخازن وتحط العسل السكر والمربيات والحلويات في دولاب نظيف وتفرش للحاجة ورق ولا بفته نظيفة لأن زينة الواحدة نضافة حاجتها وتغطي عليها طيب وتقفل الدولاب احسن ما يدخل فيه دبان ولا برص ولا فار ولا صرصار ولا حاجة من اللي تعرفيها ولما تجي تفتحي السمن ولا العسل تشيل الفوطة الفوقانية وتفتحي بلكي يكون عليه تراب وبعد ما تشيل غطاه تبص فيه قبلة بلكي يكون وقع فيه حاجة قبل تغطيه وإلا حيوان دخل فيه من تحت الغطا ولا عفار نزل عليه لأجل ماحدش يعيب عليها في حاجة وكل من دخل عليها من النسوان تبقى تبهلل في نضافتها ونضافة حاجتها واوعي تفوتي ما عون مكشوف ابداً حتى إذا كنت رايحة تاخدي من الماعون مرتين ولا تلاتة وأنت قاعدة برضه تاخدي منه وتغطيه أحسن ما يقع فيه هافي ولا حاجة طايره في الهواء وأنت كاشفاه وتحطي اللي زي الرز والعدس والقمح والحبوب في محل موش نادي أحسن يبقل ويتلف منك ولو تعملي للحبوب صناديق تحطيها فيها لان الخشي ناشف ولا يخسرشي

الحاجة اللي فيه وإن كان عندك بصله ولا تومة تحطيها في محل لوحدها احسن ريحتها تخسر لك الحاجة الحلوة وتعفن المحل اللي هياَّ فيه. وتفضلي ترتبي في حاجة معاشك لما تخليها سنجة تسعين. وتروحي للمطبخ ترمي أطباقك والصيني بتاعك في دولاب ولَاّ في صندوق ولا على رف لكن إذا كان على رف يكون له حرف عالي وتحط حواليه حاجة تحفظه بلكي قطه تنط على الرف ولَاّ ليله من دول تزلزل فيها الدنيا يبقى محفوظ وتغطيه راخر بفوطة

احسن الهواء فيه أمور بطاله تلزق على الأواني ولما تجي تاخذي صحن ولَاّ سلطانية ما تقوليش دي نضيفه تقومي تغرفي فيها ولا تحطي فيها الحاجة لا برضه طوَّقيها طيب وخليها نضيفة بلكي يكون فيها عفارة ولا وساخة ولا يكون مشي عليها حيوان صغير ورجله وسخة ولا لحسها بلسانه ويكون ريقه بطال. ولما يفرغ الصحن من دول ما تناميش إلا لما تغسليه أوعي يا سلمى تخلي الطبيخ في الصحو للصبح ولا تبيتي حله مكشوفة ولا مغرفة ولا معلقة من غير غسيل احسن يا بنتي ما فيش اعفش من المرة اللي تبيت أواعيها من غير غيسل ومن عارف الحيوان اللي رايح يأكل فيها بالليل جنسه ايه لأن الأمراض كلها حيوانات وأواعي تخلي نحاسك من غير بياض كل شهر ولا بالكتير شهرين احسن النحاس يا بنتي فيه جنزاره تموت والداهية إذا كان فيه حاجة وسخة احسن ما يزعَّلش الراجل إلا الوساخة ياما بنات يا بنتي حلوين وجمالهم وياما بنات وحشين ومرتبين وتلاقي راجل الواحدة منهم رايح ياكلها اكل من كتر محبته فيها. حتى إذا كان عندكم خدّامين يكنسوا وينضفوا محل الضيوف برضك كل كم يوم تنتبهي عليهم يطعلوا برّضا وتنزلي تشوفي المندرة ازيها ودولاب الكتب ومحل النوم وبيت الراحة وإذا لقيتي حاجة ما تعجبكيش غيريها ونضفي المحل احسن عيب البت في وش الست موش في وش الراجل والخدام إن كا كنش الإسان بفتش وراه ما بيعمل

الحاجة إلا بتعَّال. وكله إلا الهدوم إن كان جوزك غني وقوي غير يلو الهدوم كل يوم لأن الهدوم الضيفة تخلي صحة الراجل طيبه وتخلي الجسم زي الحاجة المرعرعة وتملي حميّه واغسلي لو جتته ونضيفه طيب وغيري لو الهدوم عند النوم وافتحي عينك في خدمته وخليكِ زي الصوه وتملي نفضي فرشك وسجاجيدك وبساطك وامسحي الحيطان بسعفة لما تخلي بيتك يشف ويرف وإ كان عندك خدَّامة ولَاّ جارية ما ترتكنيش عليها وتملي شوفي هيا بتعمل ايه وتسوي ايه وكله إلا فرش

النوم تملي تضيفه وتغسلي الملايات كل جمعه في الشتا وكل يومين والثالث في الصيف على شان العرق وقبل ما ينام جوزك تفتشي المراتب وحوالين السرير وتنفضي اللحاف ولَاّ تخلي الخدامه تعمل كده بلكي يكون حاجة طلعت السرير زي قطه ولَاّ ديب ولَاّ حاجة بطاله. ولا تحطيش روايح في أوضة النوم زي ورد ولَاّ ياسمين ولَاّ فل احسن دا بطال على الناي وإن كان فيها حاجة زي دي بالنهار طلعيها برا بالليل وغيري الهوا وإن كنت ترشي ريحة في الفرش زي اللوانده والملكه يكون بالنهار وافتح الباب يغير الهوا احسن تفضل الريحة قوية وتخسر صدركم وأنتم نايمين. وتفتحي عينك لمحلك ما تخليش ولا باب إلَاّ ما تأخذي مفتاحه معك ولا تناميش قبل ما تشوفي أبواب بيتك وترتبي حاجتك وإن كان عندك خدامين تلاحظيهم. وبعد ما تعشي جوزك وضيوفه وخدامينكم تقومي على الحَّمام وتغسلي نفسك وتلبسي لك بدلةة نظيفة وتعدي زي العروسة تنتظري جوزك لما يجيلك. س. انت لا قلت لي على تطبيق الهدوم ولا كويها ولا جندرتها ولا علمتيني الطبيخ ولا