‌ ‌فكاهات حبيب. في الجمعة اللي فاتت قلب لي أنك تتكلم في - مجلة الأستاذ

‌

‌فكاهات

حبيب. في الجمعة اللي فاتت قلب لي أنك تتكلم في الناس التلفانه ولكن أنا لفّيت البلاد بعدها وشفت الناس مكشّرين مبوّزين وقاعدين يقولوا يعني النديم ملَقَاش كلام يقوله لما رياح يرذلنا على شرب الدمعة الخمرة اللي بنْرَوَق بها عقولنا. نديم. أنا قاصد النصيحة موش الرذالة فإن الخمور مَتْنَاسِبْشي بلادنا لكونها تتسلط على العقل وتتلف الرئة والكبد بل وجميع الأحشا واللي يسمع أن في بلاد أوروبا يوضع بسببها في المُورستان كل سنة أكتر من أربعة آلاف مجنون يقول تغور الخمرة واللي يدوقها. واللي ما هوّاش مصدّق يسأَل الحكيم ويشوف يقول له عليها إيه. وكمان مسألة الفلوس فإن السكري يرُوح على شان ياخد كان يقوم ياخد عشرة حتى يبقى طلطميس ما يعرف الجمعة من الخميس يقوم الخامورجي يحاسبه على أبو قرش بريال. وبعدها يروّح بحاله عِبرة ويصبح راسه مصدَّعة ونفسه مسدودة عن الأكل وحالته مبهدلة. فاللي ينظر للمفاسد دي يقول الله يسم الخمرة. وأهو دا اللي خلَاّ قلبي يا كلني على أهل بلدي وأخوفهم بكلام الأستاذ وحيث أنك شفت بعينك أنهم ما يرجعوش وسمعت بودنك أنهم بيشتموا اللي ينصحهم لأن شرب الخمرة بقى عاده مستحكمة مثل القوة عند الناس الطيبين فأنا رايح أجعل كلامي في تهذيب الأخلاق بطريقة تانية والله يكفينا شر الخمرة واللي يشربها. حبيب. تعجبني لما تدب على المعنى. آدنت فهمت النكتة وعرفت أنهم

يسمعوا من هنا ويسيبوا من هنا فمالنا ومال الخيط المعلق ده ما تندعَق الخمرة وخلّينا دايرين مع الزمن زي ما يدور وأهي كلها عيشة وآخرها الموت. نديم. ندور مع الزمن. بقى بس إحنا اللي انكتب علينا التقليد زي القرود كل ما يشوفوا واحد يعمل حاجه يعملوا زيه. جماعة لبسوا منطلون واسع لبسنا زيهم وبعدين شفنا جماعة يلبسوا المقمط قوي ويمسكوا في أيديهم شوية شعر ينشوا بها فقلدناهم ولبسنا زيهم وإحنا عارفين أن بلادنا حارّه واللبس دِه يُحوش مرور الهوا على الجسم ويخلف أمراض الصدر وداء السل ووجع الكلى ويأخر الهضم ويحرك أمراض صعبة. وشوف أهل اسكندرية كانوا يلبسوا سِدْريه على صدرهم ملفوفة ودَا لكون بلدهم فيها رطوبة تتسلط على السدر فوضعوا لهم لبس مخصوص يحوش الرطوبة عنهم. وأهل مصر كانوا يلبسوا الجبه والقفطان على شان الهوا يضرب فيهم من فوق لتحت اكمن بلادهم حاره. وأهل الصعيد كانوا يلبسوا العِرْي الواسع جدّاً اكمن الحرارة شديده عندهم فيوسعوا للهوا يدخل على جتتهم أحسن

يتعفن الجلد بمنع الهوا عنه ويصبحوا عيانين بالأمراض الوحشه. وروح اسأل واحد زي عمك سالم باشا الحكيم أهو دَا سيد الحكما وشوف يقول لك ايه على لبسنا القديم ومنفعته وعلى اللبس الافرنكي ودواهيه الحرّه واسألوا كمان على الملعونة الخمرة وشوف يقول عليها كلام زي الزفت والا لأ. بقى بالله عليك إذا كان الواحد شايف ضرر أخوانه موش يقول لهم على اللي ينفع واللي يضر. دا حقهم يدوا للأستاذ موش يزعلوا منه. حبيب. أما أقول لك أنا رايح أسأل سيدنا سالم باشا وأشوف

يقول ايه في اللبس والخمرة واللي يقول لي عليه أجيبو لك تنشره. لكن يا سيدنا أنت مقصودك إيه مقصودك الناس ترجع تلبس زعابيط ولَاّ قفاطين دا سيء مضى وراح لحاله إيش حالك اليوم. نديم. أنا سمعت من إفرنجي شتم البنطلون حتى قال إحنا زي أراجوز الإنسان عريان في الحقيقة وإن كان جلده مستور ودي حاله تمرض. فإذا كان الإفرنجي عارف ضرر الملبوس وشناعته بقى إنت يا شرقي متعرفشي. على كدا إذا كان واحد يلبس فستان وطربوش بقصب ويمشي يغني في السكه تلبسوا زيه لأنه موضه على قولكم. حبيب. بالله تصبر لما أسأل الحكما وأقول لك على كلامهم لأجل تطلع أنت من باب الجمال خالص. اسم اللي بيقول لهم الكلام عضمه خشنة شويه والعين ما ترمشّي إلا من اللي يخوِّف بعد كدا تقول لي اللي فهشي ما يخلهشي.

حبيب. الإنسان إذا مسك حبل وقعد يحك به على حجر صوّان هَلْبَت يؤَثر فيه. وأنت نفسك حكمت أن احتكاك الأفكار يولّد علوم وآداب فما يغركشي قولي ناس كشَّروا ناس زِعْلُم بكره يعرفوا قيمة كلامك ويقولوا اللي تخاف منه ما يجيش أحسن منه. نديم. الله يبشرك بالخير وحياتك أهل بلادنا كلهم ذوق وقابلين للكمال والإنسان في زمن الشبوبيه يا ما يحصل منه. بس ورّيهم السكه العِدْله وشوف يعملوا إيه. تلاقيهم مشيوا في الكمال مشي الاماره ويقولوا يا ريت اللي جرى ما كان.